OS NOSOS PRODUTOS

Ourizo de mar

  • Español: Erizo de mar
  • Galego: Ourizo de mar
  • Portugués: Ouriço-do-mar
  • Nome científico: Paracentrotus lividus
  • Código FAO: URM

Equinodermo globoso cuberto de púas ríxidas de cor escura, que vive sobre fondos rochosos do Altántico nororiental en zonas pouco profundas e ben osixenadas. En ORMALUGA colléitase de xeito artesanal, tanto a pé como desde embarcación, mediante mergullo en apnea e ferramentas manuais, dentro de plans de explotación e cun estrito control estacional.

Percebe

  • Español: Percebe
  • Galego: Percebe
  • Portugués: Percebe
  • Nome científico: Pollicipes pollicipes
  • Código FAO: PCB

Crustáceo cirrípedo que vive adherido a rochas batidas por fortes ondadas, característico da costa atlántica europea. En ORMALUGA captúrase de xeito manual e selectivo, tanto a pé como desde embarcación, en zonas intermareais e submareais, baixo unha estrita regulación debido ao seu alto valor económico e ao risco que supón a actividade. 

Navalla

  • Español: Navaja
  • Galego: Navalla
  • Portugués: Navalha
  • Nome científico: Ensis siliqua
  • Código FAO: EQK

Molusco bivalvo de cuncha alongada que vive enterrado en fondos arenosos do Atlántico nororiental. En ORMALUGA obtense mediante marisqueo artesanal, a pé ou desde embarcación, empregando técnicas tradicionais autorizadas e respectando tallas mínimas e períodos de veda. 

Robaliza

  • Español: Lubina
  • Galego: Robaliza
  • Portugués: Robalo
  • Nome científico: Dicentrarchus labrax
  • Código FAO: BSS

Peixe de corpo alongado e prateado, habitual en zonas costeiras, estuarios e desembocaduras de ríos do Atlántico oriental. En ORMALUGA é capturada pola frota artesanal, principalmente portuguesa, mediante artes menores selectivas como redes e anzois.

Polbo

  • Español: Pulpo
  • Galego: Polbo
  • Portugués: Polvo
  • Nome científico: Octopus vulgaris
  • Código FAO: OCC

Cefalópodo de corpo brando e oito brazos, amplamente distribuído no Atlántico oriental. En ORMALUGA captúrase de xeito artesanal mediante nasas tradicionais, unha técnica selectiva e de baixo impacto moi vinculada á tradición pesqueira local.

Linguado

  • Español: Lenguado
  • Galego: Linguado
  • Portugués: Linguado
  • Nome científico: Solea solea
  • Código FAO: SOL

Peixe plano de alto valor comercial que habita fondos arenosos e fangosos do Atlántico e do Mediterráneo. en ORMALUGA péscase con artes pasivas selectivas, respectando estritamente as tallas mínimas e os períodos de regulación. 

Sargo

  • Español: Sargo
  • Gallego: Sargo
  • Portugués: Sargo
  • Nome científico: Diplodus sargus
  • Código FAO: SWA

Peixe costeiro de corpo alto e cor prateada con franxas escuras, asociado a fondos rochosos e mixtos do Atlántico oriental. En ORMALUGA captúrase mediante pesca artesanal con artes menores selectivas, de baixo impacto ambiental.

Centola

  • Español: Centolla
  • Galego: Centola
  • Portugués: Santola
  • Nome científico: Maja brachydactyla
  • Código FAO: JDV

Crustáceo de gran tamaño cunha casca espiñosa, atopado en fondos rochosos do Atlántico nordeste. En ORMALUGA, a súa captura é estacional e realízase con nasas, respectando vedas, tallas mínimas e criterios de sustentabilidade. 

Os nosos produtores e produtoras tamén capturan…

Ademais destas especies principais, as persoas produtoras asociadas a ORMALUGA capturan e comercializan unha ampla diversidade de especies, reflexo dunha pesca artesanal, estacional e adaptada ao medio, que contribúe á sustentabilidade dos recursos e á estabilidade dos ecosistemas mariños. 

Entre elas atópase o abadexo, a ameixa, a lura, o choco, o congro, a dourada, a faneca, o xurelo, a maragota, o mexillón, o mero, a nécora, o pargo, o rape, a raia, o rodaballo, o salmonete, o sapo, a sepia e a xarda, e outras especies propias da pesca costeira artesanal.